السلام عليكم، أهلا بكم في الدرس الثالث من سلسلة تعليم التصوير الفوتوغرافي المجانية
قبل ما نشرح الفلاتر واستخداماتها ياريت تراجع الدروس اللي فاتت من هنا
النهاردة هنتكلم شوية عن الفلاتر واستخداماتها بصورة مفصلة شويتين وكمان درس النهاردة هيفيد المبتدئين واللى بيصوروا بقالهم فترة كمان
؟؟ Filters أول حاجة إيه هي الفلاتر
هى اجزاء بتركب فوق العدسة عشان تزود من إمكانياتها أو تعمل وظيفة معينة هنشرحها في كل اللي جاي
يا ترى الفلاتر بتتصنع من إيه ؟
: دى المواد اللى بيتصنع منها الفلاتر بالترتيب من الأجود للأقل جودة
- الزجاج (Glass) الأغلى والأضعف والمعرض للكسر اكثر من غيره لكن الأجود برده
- الراتنج (Resin) مادة صمغية بتطلع من الشجر وبتتعالج بعد كدة
- البوليمر (Polymer) نوع من أنواع البلاستيك الشفاف المعالج
- الجيلاتين (Gelatin)بطلوا يستخدموه خلاص ونادر لما بنلاقيه فى أى فلتر
- النايلون (Nylon) مينفعش يبقى لوحده لكنه ممكن يبقى طبقى بين طبقتين زجاج مثلا أو راتنج
UV أولا: فلتر الحماية
نعتذر لبشاعة المنظر .. بس تخيله بدون فلتر
( UV Ultraviolet rays) وهو أشهر فلتر بين كل الفلاتر وغالبا كل محلات الكاميرات بتبيع الكاميرات معاها هدية الفلتر ده .. عشان نوضح الصورة الفلتر يعنى فلتر الأشعة فوق البنفسجية وده كان موجود زمان عشان الكاميرات الفيلم كانت بتحس بالأشعة دى، وبتأثر على الجودة بشكل كبير .. ولكن لحسن الحظ أغلب سنسورات الكاميرا بتبقي عليها فلتر لل UV وبالتالى أصبحت الفلاتر دي بتستخدم للحماية فقط .. ولكن طبعا بما إننا زودنا طبقة زجاج على العدسة فده بيقلل جودة الصورة فبالتالى خد قرارك لو عدستك غالية هاتلها فلتر يحميها ويحافظ عليها لأن تكلفة الفلتر هتبقى اقل من تكلفة تصليح العدسة .. ولو عدستك رخيصة وده مش موجود دلوقتى مالوش لازمة الفلتر
Polarizer ثانيا: فلتر البولورايزر
. landscape ده وظيفته إنه يزود تشبع الألوان ويقلل الانعكاسات الغير مرغوبة فى الصور ..بيستخدم فى أغلب أنواع التصوير لكن اللاند سكيب أكتر
:أمثلة على استخدام الفلتر
معالجة وزيادة الالوان
تقليل الانعكاسات
Neutral Density “ND” ثالثا: فلتر ال
الفلتر ده فى منه أكتر من نوع لكن وظيفتهم متقاربة وهى انهم بيقللوا الضوء اللى داخل للكاميرا يعنى زى ما النظارة الشمس بتعمل فى العين بالظبط والهدف من استخدامه بيبقي تزويد زمن التعريض واستخدام سرعة غالق أبطئ لعمل تأثيرات علي الصورة
فى نوع بيبقى كله لون واحد وده نموذج من تأثيره
لما الضوء بيقل بتقدر تستخدم شاتر سبيد اقل وبالتالى تسجل الحركة
GND Filterوفى نوع متدرج من الشفاف تماما للون الغامق
.بيبقى مربع ” وده بيدى تأثير درامى للصورة يعنى بيظبط ضوء السما والأرض مع بعض عن طريق انه يغمق السما”
ده نموذج من تأثير الفلتر
وده شرح للفلتر بيعمل ايه بالظبط فى كل جزء
Close Up Filters رابعا: فلاتر الكلوس اب الماكرو
والفلاتر دى بتستخدم فى تصوير الماكروعلى الأجسام الصغيرة من مسافة أقرب وده اللى بيخلينا نصور صورة مكبرة (Focus) الفلتر ده بيشتغل كعدسة مكبرة (Focus) وبالتالى بيخلينا نقدر نعمل فوكس
تأثير فلاتر التكبير
Colorized Filters خامسا: الفلاتر الملونة
والنوع ده من الفلاتر مبقاش مستخدم أوى زى زمان عشان كان بيستخدم فى تصوير الأبيض والأسود , فكرة الفلتر انه بيلغى لون كامل من الصورة فبيدى كونتراست عالى فى الصورة ودى بتدى نتايج كويسة فى التصوير الأحادى Monocromes .
سادسا : فلاتر السوفت فوكس Soft Focus Filters
(sharpness) يعنى بتقلل الشاربنس ,Soft Focus الفلاتر دى وظيفتها عمل سوفت فوكس بتاع العدسة وده بيبقى مطلوب لعمل تأثيرات فنية فى بعض الأوقات خصوصا فى تصوير الأشخاص
الصورة دى بتوضح تأثير فلاتر السوفت فوكس
Special Effects Filters سابعا: فلاتر التأثيرات الخاصة
ودى فلاتر بتستخدم عشان تعمل بيها تأثيرات خاصة ..فى فلاتر بتحول إضاءات الخلفية المعزولة لأشكال هندسية وهكذا <<
وفلاتر تانية بتستخدم لتصوير المجوهرات عشان تعمل زى اللينس فلاير فيها وإيفيكتات تانية كتير
وفى فلاتر بتغير توازن اللون الأبيض ..لكن الفلاتر اللى فوق دى أكثر الأنواع انتشارا
وده نموذج من فلاتر التأثيرات
علشان تشترى فلتر لازم تبقى عارف هتستخدمه على عدسة إية عشان الفلتر بيتباع بالمقاس
لكن لو عايز تستخدم نفس الفلتر على أكتر من عدسة تعمل إيه ؟
:في حاجة بسيطة أسمها
Step up & Step Down mounts
ودول بيركبوا على العدسة عشان يخليها تاخد المقاس الأكبر أو الأصغر من الفلتر .لكن نصيحة خليك فى ستب أب أفضل لإن كل ما كان الفلتر أكبر من العدسة أو قدها كل ما كانت النتائج أفضل
وده شكلهم
اخر حاجة أشهر ماركات الفلاتر
- Lee
- B&W
- Hoya
- Tiffen
- Cokin
- Singh-Ray
- phottix
- opteka
لو عجبك الدرس إعمل شير لأصحابك واشترك في الموقع عشان يجيلك كل جديد
المصادر والمراجع
cambridgeincolour.com
photographylife.com/
picturecorrect.com
exposureguide.com
camerafilters.com/
www.dpfwiw.com
